Ճանաչողական էքսկուրսիա դեպի  Արենու գինու գործրան,Պարույր Սևակի տուն-թանգարան և Նորավանք

Հուլիսի 15-ին Մ.Մխիթարյանի անվան միջն. Դպրոցի 9-րդ դասարանի աշակերտները ծնողների և դասղեկի հետ միասին կազմակերպել էին գիտաճանաչողական էքսկուրսիա ՝ Պարույր Սևակի տուն — թանգարան,Արենու գինու գործարան և Նորավանք:Ճանապարհը երկար էր ու հոգնեցնող, բայց երեխաները ևս մեկ՝ շատ հագեցած և ոգեշնչված տպավորություններով օր ունեցան:

Արենի գինու գործարանում  ականատեսը դարձանք և լսեցինք գինու պատրաստման գործընթացին,ծնողները մասնակցեցին գինու համտեսման արարողությանը:

Հաջորդ կանգառը Պարույր Սևակի տուն-թանգարանն էր։ Այստեղ մեծ հետաքրքրությամբ  դիտեցինք բանաստեղծի  Սարգիս Մուրադյանի կատարած մեծադիր, սիմվոլիզմով հագեցած որմնանկարները, լսեցինք մեծ բանաստեղծ-մտածողի ձայնագրված խոսքը, էքսկուրսավարի հետաքրքիր պատմությունները գրողի ծնողների, նրա ընտանիքի, զավակների մասին։ Այցի գնացինք նաև տուն-թանգարանի բակում, այգու կենտրոնում գտնվող բանաստեղծի  գերեզմանին։

 

Բնության ու ճարտարապետության մի յուրահատուկ համադրություն է Նորավանքը։ Վանքի պատմությունն անբաժանելի է միջնադարյան Հայաստանի նշանավոր ճարտարապետ և քանդակագործ Մոմիկի գործունեությունից։ Վանքը դիմացել է նույնիսկ 14-րդ դարի վերջում  Լենկ Թեմուրի արշավանքներին։ Խոսքերով դժվար է նկարագրել այն մեծ բավականությունը, որ ստացանք Նորավանքում.տպավորությունները շատ են ու ոգևորիչ` ևս մեկ անգամ բացհայտելով մեր հայրենի երկրի անառիկությունն ու աննկարագրելի ճարտարապետական շինությունները:

Այցելություն «Եռաբլուր» զինվորական պանթեոն

Այսօր մեր համագյուղացի հերոս` Սասուն Մկրտչյանի ծննդյան օրն է:Սասունը այսօր կդառնար 29 տարեկան: Շնորհավոր Ծնունդդ սասունցի հերոս:Դու միշտ մեզ հետ ես և մեր սրտերում:
Մեր դպրոցի ավագ դասարանների աշակերտնները ուսուցիչների հետ այսօր այցելեցին հերոսի ծնողներին, որտեղ արժանացան ջերմ ընդունելության,եղան նրա սենյակում: Տիկին Նարինեն պատմեց Սասունի կյանքից և քաջագործություններից, այնուհետև այցելեցին «Եռաբլուր» զինվորական պանթեոն`հարգանքի տուրք մատուցելու անվախ քաջ հերոսի շիրիմին:Աշակերտները պանթեոնում ներկայացրին իրենց կողմից գրված ստեղծագործությունները նվիրված հերոսն:
Հերոսներն անմահ են,նրանց հիշատակը վառ պահելը բոլորիս պարտքը:

Լուսանկարները տե՛ս մեր ֆեյսբուքյան խմբում`https://www.facebook.com/groups/1437099236572874/?hc_ref=ARShcxS0laUJSgRkvgFEIMazjcHoDUh2MVuuENFOOMCSkkIOjcLtZR2i8cnhAcXLmDg

Գիտաճանաչողական այց Հ.Թումանյանի տուն թանգարան

Այսօր մեր դպրոցի երկրորդ դասարանի աշակերտները ծնողների և իրենց դասվար Ա.Խաչատրյանի հետ այցելել էին Հովհաննես Թումանյանի տուն-թանգարան: 🏛🌞👩‍👩‍👧‍👦
Ժամանակն, իսկապես, շատ արագ էր ընթանում, բայց և այնպես ցանկություն կար ամընդմիջում լսելու Թումանյանի մասին պատմածը և շրջելու տեղանքով. կարծես թե թումանյանական ոգին համակել էր բոլորին: Աշակերտներն էլ ավելի զարմացան, երբ տեսան Թումանյանի հսկայական գրադարանը:📖📖📕📚📚

Լուսանկարները տե՛ս մեր ֆեյսբուքյան խմբում`https://www.facebook.com/groups/1437099236572874/?hc_ref=ARShcxS0laUJSgRkvgFEIMazjcHoDUh2MVuuENFOOMCSkkIOjcLtZR2i8cnhAcXLmDg

Շնորհավոր հունիսի 1

 

Այսօր մեր դպրոցի չորրորդ դասարանի աշակերտները իրենց դասվար Ա.Կիրակոսյանի հետ համատեղ տոնում էին հունիսի 1-ը՝ երգով, պարով և կավճանկարչությամբ…Սիրելի՛ երեխաներ սրտանց շնորհավորում ենք ձեզ հունիսի 1-ի՝ Երեխաների պաշտպանության միջազգային օրվա առթիվ:
Երեխաները ոչ միայն մեր երկրի ապագան են, այլև պաշտպանության ու խնամքի, սիրո և հոգատարության կարիքն ամենաշատ ունեցող փխրուն էակները:
Թող հունիսմեկյան բարձր և ուրախ տրամադրությունը ուղեկցի նրանց տարվա բոլոր օրերին:

 

Լուսանկարները տե՛ս մեր ֆեյսբուքյան խմբում`https://www.facebook.com/groups/1437099236572874/?hc_ref=ARShcxS0laUJSgRkvgFEIMazjcHoDUh2MVuuENFOOMCSkkIOjcLtZR2i8cnhAcXLmDg